🌸दिनविशेष🌸💥 *८ मे

*💥🌸दिनविशेष🌸💥*

                  *८ मे*

*जागतिक रेडक्रॉस दिन*

हेनरी डय़ुनॉट रेडक्रॉसचे संस्थापक होय. त्यांचा जन्म स्वित्झर्लडमधील जिनिव्हा येथे 8 मे 1828 रोजी त्यांचा जन्म झाला. त्यांचा जन्मदिवस ‘रेडक्रॉस दिन’ म्हणून जगभर साजरा केला जातो.
1859
साली नेपोलिनच्या युद्धाच्या वेळी उत्तर इटलीमध्ये हेनरी डय़ुनॉट यांनी अनेक जखमी माणसे पाहिली. स्थानिक लोकांची मदत घेऊन त्यांनी जखमींची शुश्रूषा केली. मेमरी ऑफ सेलफरिनो या पुस्तकामध्ये याचा अनुभव त्यांनी कथित केला आहे. 1863 साली जिनिव्हातील उत्साही सामाजिक र्कायकर्ते एकत्र येऊन पाचजणांची समिती स्थापन केली त्या समितीचे प्रमुख हेनरी डय़ुनॉट होते. या समितीने आंतरराष्ट्रीय रेडक्रॉसची स्थापना केली. डय़ुनॉटनी अनेक वर्षे त्याचे चिटणीसपद भूषविले. 1864 मध्ये 16 राष्ट्रांचे प्रतिनिधी पहिल्या रेडक्रॉस परिषदेस उपस्थित होते आणि त्यांनी ऐतिहासिक पहिल्या जिनिव्हा करारावर सह्या केल. आंतरराष्ट्रीय क्षेत्रात रेडक्रॉसची र्काप्रणाली सदर करारावर आधारली आहे. पक्ष, वंश, धर्म यांचा विचार न करता मानवी दु:खाचा परिहार करणकरिता रेडक्रॉस चळवळ एक स्वयंप्रेरित आंतरराष्ट्रीय संघटना म्हणून उदयास आली. आज जगातील प्रत्येक देश या आंतरराष्ट्रीय संघटनेशी संलग्न आहेत आणि या संघटनेचे बोधचिन्ह मानवी अनुकंपेचे प्रतीक म्हणून ओळखले जाते.
रेडक्रॉस ही आंतरराष्ट्रीय संस्था खालील तत्त्वानुसार काम करते-
मानवता- आंतरराष्ट्रीय आणि आंतरदेशीय क्षेत्रात रेडक्रॉस संघटना मानवी दु:खांना आळा घालण्यात आणि शक्य असेल तेवढा परिहार करण्यात प्रयत्नशील असते.
निष्पक्षपातीपणा- राष्ट्रीयत्व, वंश, धर्म, वर्ग किंवा राजकीय मते यांच्या आधारे भेदभाव करत नाही.
तटस्थपणा- युध्द काळात रेडक्रॉस कोणत्याही एका पक्षाची बाजू घेत नाही.
स्वतंत्र- रेडक्रॉस एक स्वतंत्र संघटना आहे.
ऐच्छिक सेवा- रेडक्रॉस एक ऐच्छिक दु:ख परिहार करणारी संघटना आहे.
एकता- प्रत्येक देशात एकच रेडक्रॉस संघटना असली पाहिजे या संघटनेत सर्वाना प्रवेश असला पाहिजे.
विश्वात्मकता - रेडक्रॉस ही जागतिक संघटना आहे. तिच्यामध्ये सर्व रेडक्रॉस संस्थांना समान मानले जाते आणि संघटनेची कर्तव्ये पार पाडण्याची त्यांच्यावर समान जबाबदारी आहे.
रेडक्रॉसचे बोधचिन्ह म्हणजे रेडक्रॉस चळवळ आणि सैनिकी, वैद्यकीय सेवा यामध्ये मुख्यत्वे सशस्त्र लढाया आणि नैसर्गिक संकटाच्यावेळी मानवतावादी कार्य करण्याच्या लोकांचे प्रतीक हो. वैद्यकीय सेवा करणार्‍या लोकांचे ते बोधचिन्ह नाही.